Son galego, son vigués e non por iso deixo de ser español. Dende un goberno non se debe promover a utilización dos símbolos que unen a todos os galegos coa única finalidade de crispar a sociedade.
O éxito da chamada «roja» foi a expontanea utilización da enseña nacional, non foi dende logo o uso partidista por parte dun goberno, dunha parte do mesmo, o dunha formación política da bandeira, senón que o seu éxito naceú na expontaneidade, ninguén agasallou a ninguén cunha bandeira, cada quen foi quen de buscala bandeira e colocala no seu balcón na súa fiestra o mesmo de colocala no seu vehículo.
Facer como o BNG na nosa cidade e agasallar coa bandeira de todos os galegos para que os cidadáns en número de 5.000 as coloquen nas súas fachadas, balcóns ou fiestras non deixa mais que ser un erro e un intento de manipulación dos vigueses e viguesas que éstes non serán quenes de consentir. O BNG pensa que pode utilizar a cidadanía para os seus réditos electoráis, pero dende logo eu vou defender a miña bandeira, a española, pero tamén a galega, pero non penso ser complice do uso partidista da bandeira galega. Como galegista constitucional e estatutario quero a miña bandeira, o meu idioma e dende logo a miña Galicia e o seu patrono, pero non podo querer a utilización partidista duns repartidores de bandeiras que pensan que poden enganar a todo un pobo. Liberdade e voluntarismo e dende logo non mercadeo e imposicións.
Por certo teríamos que preguntarnos ¿son as bandeiras regaladas as oficiais de Galicia? e ¿canto vanlle costar os vigueses e as viguesas a precampaña electoral do señor Domínguez Olveira?.